19 მაისს, 18:00 საათზე, კიევში, უკრაინის შეიარაღებული ძალების ოფიცერთა სასახლეში ქართული კულტურის IX ფესტივალი გაიმართება. რომელიც ეძღვნება საქართველოს დამოუკიდებელ რესპუბლიკად გამოცხადების მე-100 წლისთავსა და საქართველო-უკრაინას შორის დიპლომატიური ურთიერობების დამყარების 100 წლის იუბილეს.

ფესტივალში მონაწილეობას მიიღებენ ქართული კულტურულ-საგანმანათლებლო ცენტრის კოლექტივები, ქართული ხალხური ცეკვის ანსაბლი "იბერიელი". ღონისძიების სტუმარია, პირველად უკრაინაში, ცნობილი ქართული ჯგუფი „ურსა“ ჯგუფის წევრები: გიორგი ძოწენიძე (ვოკალი), გიორგი გრიგალაშვილი (ვოკალი, ფანდური), შოთიკო ქვარცხავა (ვოკალი, პერკუსია), კობა შენგელია (ბას-გიტარა), ლევან ფერაძე (გიტარა). თანამედროვე ჰანგების ფონზე წარმოდგენილი ქართული ფოლკლორი, თბილი ხმები და სხვადასხვა ინსტრუმენტის შერწყმით წარმოდგენილი ულამაზესი კომპოზიციები.

ორგანიზატორები: უკრაინის ქართველთა ასოციაცია „იბერიელი“, სრულიად უკრაინის საზოგადოებრივი გაერთიანება „გეორგია“. ღონისძიების მხარდამჭერები არიან - უკრაინისა და საქართველოს კულტურის სამინისტროები, საქართველოს საელჩო უკრაინაში, საინფორმაციო სააგენტო “FrontNewsInternational” (frontnews.eu).